ätlemek

işlik

1) Bir zadyň üstünden ädip geçmek, ötmek.

∙ Şolaryň üstünden ätlemelidi. (M. Ibrahimow, Ol gün geler)

∙ Garly ussa howlyň derwezesinden içine ätlän badyna, jaýlaryň biriniň işigi giňden açyldy. (A. Gowşudow, Powestler we hekaýalar)

2) seret ätmek 1

∙ Begenç Aýsoltana bakan nähili ädim ätlänini duýmady. (B. Kerbabaýew, Aýsoltan)

∙ Dogrusyny diýsem, ol ýigit towşan kowalajak ýaly örän eserdeň ätleýärdi. (N. Pomma, Egri Eýikmez)

∙ Ol epeý-epeý ätläp, özi üçin taýýarlanan düşegiň üstüne geçip oturdy. («Sowet edebiýaty» žurnaly)

3) Göçme manyda Aýgytly-hereket etmek, öňe gitmek.

∙ Öňe tarap ätleýäris. (Ata Salyh, Saýlanan eserler)